Lycée Giocante de Casabianca

Jeudi 15 Avril 2021

ENT et Pronotes

Académie de Corse

Ministère E.N.

BASTIA








U manuale di corsu :« Isula Mondi »

In leia cù i cent'anni di a prima guerra : "Cari figlioli, ..."

2014 / 2015 : Un picculu travagliu cu e seconde in leia cù i 100 anni di a prima guerra ,
Di fatti l'appoghju pedacogicu ghje a canzona "le chemin des dames".
I sculari duvianu mettesi à à piazza di un suldatu à u fronte è cuntà in una lettera
cio ch'elli vedenu è cio ch'elli risentenu.

In omagiu à tutti st'omi tocchi da stu macellu umanu, eccu u so travagliu.


Esse suldatu in u 14… difficile pè i nostri giovani d’oghje di pensà u cutighjanu di quelli d’eri….
100 anni dopu i sculari di seconda 11 è 4 si ramentanu e cundizione pessime di issa guerre è ci presentanu un picculu travagliu di creazione à partesi di u testu « le chemin des dames » scrittu da Dédé NOBILI è cantatu da I CHJAMI AGHJALESI.

Mme Suzzarini M.

 


In leia cù i cent'anni di a prima guerra : "Cari figlioli, ..."
A battaglia di « u chemin des dames »

Dopu a disfatta di Verdun è di a Somma, u generale NIVELLE mette in ballu un novu pianu d’attaccu u16 d’aprile 1917 à « u chemin des dames » in u dipartimentu di l’Aisne.
Hè un veru scumpientu,millaie d’omi só mandati à u macellu. Quelli chì sò in prima ligna avanzanu sottu à u focu terribbule di l’alimani assai assai armati è quelli chì voltanu sò tombi da i suldati francesi. Ci hè statu 270000 morti.


Cari figlioli,
Era una bella dumenica da mane, mi ricordu d’avè apertu u finestrellu di a stanza è vistu a machja è a piaghja infrizinita chi aspettavanu u mese d’aprile oghje tuttu sarà fiuritu é da quì sentu cantà l’acelli .
Versu 9 ore,Francescu Antò u panatteru hà pichjatu à a porta dicendu ch’ellu ci vulia à andà subbitu subbitu,in piazza di a chjesa ma ch’ellu ùn pudia spiecà mi .
Ghjunti in piazza ci eranu tutti l’omi di u paese : Roccu u musicante, Ghjuvan’Carlu u mo fratellu, Petru u mo amicu...à,mezu à a piazza quattru sullati di l’armata francese è tutte e famiglie chì pienghjianu,
Tandu a m’aghju capita … fù cum’è un colpu di stilettu in lu core!!.
Ùn capiamu mancu una parolla di ciò ch’elli dicianu, ma pè Antò duviamu parte in cuntinente chì l’armata francese avia bisognu di noi.
Aghju pigliatu dui panni, dui pezzi di pane è a vostra fottografia ch’o fideghju sempre pensendu forte forte à voi, i mo tesori. .
Ghjunti in Marsiglia, versu 5 ore di mane, ci anu messu in un camio pè purtacci in un locu chjamatu « chemin des dames » chì bellu nome nè !!
Dopu à quattru ore di strada (penibuli chi eramu stanchi morti) eramu ghjunti. Ci anu datu pistole è fucili, ùn la pudia crede, l’armata francese ci avia mubilizatu per andà contru à i nemichi tedeschi.Tutti l’omi eranu pigliati di paura vuliamu turnà in casa ma ùn pudiamu più, eramu ublicati.
A battaglia principiò versu meziornu eramu in a fossa à mezzu à cadavari, fù un veru macellu, aghju vistu cascà omi, giovani di 17 anni.
È po… tamanta disgrazia ….Ghjuvan Carlu fù toccu ancu ellu si ne partì pè l’altru mondu . Aghju precatu,è aghju usatu di u pocu d’energia ch’o avia pè onorà a memoria di u mo corciu fratellucciu .
Avà, hè compia a battaglia, quandu mi sò alluntanatu di stu locu maladettu ci era un veru scumpientu : cadavari è sangue in ogni locu, A mo vita ùn avia più sensu,aghju vistu a morte ,e lacrime,aghju intesu i mughji d’addisperu vuleria esse statu mortu ancu eiu, ma,ùn sò parchè eiu sò sempre vivu.
Ci vole ch’o volt, mi trica l’ora di ghjunghje di ritruvà vi è di vede u mo caru paese chi ne sò sicuru pienghje i so morti
A prestu, ,
Vi basgiu forte i mo figlioli, basgiate ancu a mamonne
U vostru babbu .

Paul-Alexandre, 2da 11

Cara mamma,
Mi ne sò andatu core cuntentu, cuntentu, à aiutà a mo patria « fiore in fucile », mai averia pensatu chi sta guerra avessi da esse cusì cruelde.
T’avia fattu a prumessa o Mà ! di fà pianu à mè .
Tramindui pensavanu chì l’affare ùn durerà tantu è chì un mese dopu saraghju di ritornu .
A ti ghjurgu o Mà ! sò statu attente, ma quì in stu lucacciu, sta fossa, ch’elli chjamanu « le chemin des dames » ùn ci hè rifiatu, basta una seconda … una seconda o Mà ! ..
L’aghju intesa fiscà issa palla chì m’hà trapanatu lu core,
Stu dulore tremendu , stu sangue nantu à u mo corpu ,sti colpi di fucile intornu à me
mi ne morgu ….o Mà !
Pensu à i mo figlioli è a mo moglia , Santu è Carla orfagni di u so babbu ….ooh ! li corci…..s’o ci pensu !
Piglià li in in casa toia, fà mi ne a prumessa, ùn li lascià soli. Sò elli u sangue di dumane
mi ne vò….. à sentu o Mà !
Ancu sò ùn la t’aghju micca troppu detta sappie ch’o ti tengu cara .
Avà partu pè un viaghjone …. Da u paradisu guideraghju i vostri passi.
vi tengu assai caru .

Angelina e Mélanie, 2da 4

Sta lettera ch’o ti scrivu, o cara di sicuru serà l’ultima,
Cù i mo cumpagni simu in a fossa mane è sera ubligati di tumbà u nemicu teddescu per ùn esse tombu.
Centinaie di suldati falanu secchi sottu à u rimore di e bombe, à chì mughja di dulore à chì ùn hà più forza è si lascia more. A to medaglia l’aghju sempre strinta in u mo pettu è quandu à fideghju mi ramentu i mumenti felici ch’avemu passatu inseme. Mi ramentu ancu u mo paese caru,à babbu chi mi purtava à caccia,e fole di mammò prima d’andà à dorme…
Mi manca a mo libertà, è sopra à tuttu a mo Corsica tantu amata. A le volte mi pare di sente sunà a ciccona, sentu à Carlettu, Ghjiseppu è Natale chi cantanu à paghjella in piazza di a chjesa .
Prestu,prestu, u mo nome serà scrittu nantu à un fogliu per annunzià vi chì sò mortu pè a Francia. Sentu digià u paese pienghje, ti vecu trista è penserosa.
Scrivu quì l’amore ch’o aghju pèr tè è per u sempre u mi ne portu per pudè da le stelle lampà ti mille basgi. Ùn ti scurdà di mè.

Justine e Pauline, 2da 11

Mi chjamu Francescu, mi ricordu chì campava in pace in u mo paese di Tallone. Da quassù si scopre tutta a piaghja è mi piacia assai à fidighjà la discità si. Era purciaiu, in tempi di furestu andava a curà i mo porci sottu à i castagni, era difficili a vita di i pastori, ma u mo piacè era d’andà mi ne à caccia cù u mo canucciu . Culombi, meruli, ghjandaghje, biccazze, ci ne facìamu un pranzu.
E po un ghjornu quand’ella ghjunse issa lettara tuttu si ne trafalò, eramu u 1mu d’agostu 1914 era dichjarata a mubilizazione generale, avia da parte in guerra contru à l’Alemani..
Trè ghjorni dopu, mi lasciò a mo famiglia per andà à u fronte pensendu chì i nemichi eranu più debbili è chì a guerra ùn durerà tantu ma quandu aghju vistu da u battellu alluntanassi a mio terra pianu pianu, aghju capitu ch’o lasciava u paradisu pè l’infernu.
Qualchi ghjornu dopu eramu à u fronte e mine falavanu cum ‘è saette. L’alemani eranu numerosi, lesti, è assai armati tumbavanu tuttu ciò chì si muvia, ghjera l’infernu anu attaccatu a fossa mi n’aghju da andà ma … ghjè culà chì ci s’hè firmata la mo vita.

Matteu, 2da 11

 


A canzona :

In leia cù i cent'anni di a prima guerra : "Cari figlioli, ..."



              
Lu 1454 fois

Università di Corsica
ONISEP
CANOPE
EDUSCOL