Lingua, cultura corsa è numericu : a seconda partita incù i sartinesi in Bastia

Sò scalati i sartinesi à u liceu Giocante !

Vi ricurdate annu, u prugettu LCCN ?... Lingua, Cultura Corsa è Numericu.
Quandu i nostri sculari di prima sò falati à u liceu G. Clémenceau in Sartè à scopre l'Alta Rocca !

È beh ! Sta volta sò cullati elli à vede l'alta Corsica, u Cismonte. A cità bastiaccia, u Nebbiu, u stagnu di Chjurlinu è u so museu, canti , soni è teatru eranu dinù à u prugramma.

Stu scambiu in immersione, purtatu da Dumenica Colonna, Marianna Suzzarini è Vincent Andriuzzi, incù l'aiutu di a Culletività di Corsica, fù un bellu scontru umanu è una vera riescita pedagogica.
;