Maria Ghjentile

Cet hommage in lingua nustrale est suivi d’une rapide étude sur Maria Gentile et la pieve d’Oletta au XVIIIè siècle. Par Jean-Claude CALASSI.



Maria Ghjentile

Salutu à Maria Gentile

I

Toccu sai Poghju d’Oletta

È attippatu Monticellu

Ferma in cim’à la culletta

A piaga d’un tempu ribellu.

II

Si tene una casa sfalata

Sopr’à lu vechju cunventu

Casarella scurnachjata

Muta d’un persu lamentu.

III

Casa mancu di signore

Ma puru à cantine strette

Ùn si misura soca l’onore

À u contu di le finestre.

IV

Una donna quì campava

À mezzu à la so ghjente

Maria Gentile chjamata,

Capu à sennu è core ardente.

V

Scuntrò giovana la stòria,

Fù quessu lu so distinu,

Intanata in la mimòria

D’un populu clandestinu.

VI

Supranava a resistenza

Cunsacrata la rivolta

Chì di Paoli l’indipendenza

Accinava al dilà l’Europa.

VII

Ma d’un maestru in schjavitù

Tandu sbarcò lu battaglione

À scaticà sempre di più

Cusi prumaticcia nazione.

VIII

Maria avia fattu l’abbràcciu

Liatu sincera prumessa

À paru à quellu innamuratu

Di a stessa pieve d’Oletta.

IX

Cù patriotti ellu fù chjappu

Da la réia truppa francese

D’incetta è di ladru pattu

Scunviatu puru u Ghjenuvese.

X

À la lestra cundannati

È sottumessi à la quistione

Prigiuneri macillati

Da la barbara legione.

XI

À contu paru impiccati

Dopu avelli troncu l’osse

Fratelli esposti marturiati

Sottu à le pagane forche.

XII

Paronu s’ellu ùn bastava

À paisani di fà dolu

U corbu solu inariulava

Sopr’à chjocchi à murtòriu.

XIII

Maria per santa sepultura

Trafrancata l’interdizzione

Spiccò u caru di bughjura

È l’appaghjò in linzulone.

XIV

À quellu chì di stirpìa

Insanguinava lu rughjone

Sì prisintò cusi Maria

Senza attu di cuntrizione.

XV

 » Indegna hè la legge vostra « 

Cappiò Maria à l’ufficiale,

 » Ma una fiera anima Corsa

Ùn teme falsu tribunale ! « .

XVI

S’incanta quì a nostra pena

Pigliatu arcanu paragone

Cù quella surellina Greca

Contr’à stirpaccia di Creòne.

XVII

Di quessa pare la leziò

Ne turnò bòia scuzzulatu

Chì mai nimu misse in prigiò

Di nisun populu lu fiatu.

XVIII

Ùn usa più neru mendile

Per donne d’oghje in bandaglione

Salutu à tè Maria Gentile

Luminellucciu in bughjicone.

XIX

Piazza à lu vechju cunventu

Certe nuttate puru ancu avà

Dicenu chì un scemu ventu

Sì mette cume à trasparlà.

XX

Toccu sai Poghju d’Oletta

È attippatu Monticellu

Ferma in cima à la culletta

A piaga d’un tempu ribellu.

                                                                                         Jean-Claude Calassi.

 

Rédigé par Xavier Casciani le Jeudi 6 Juin 2019 à 06:44 | Lu 6588 fois

Nouveau commentaire :

L'actualité | Présentation | CESC | Vie des disciplines | DNB | Espace parents | Espace élèves | CDI | Ateliers | Partenaires | Nous contacter | Voyages | Rentrée 2016/Riintrata 2016 | Revue de presse | Orientation | Sorties | DNB (Diplôme National du Brevet) | EPI | Service médicale | Services | Numérique | Arts plastiques | Ateliers | Développement Durable | 9ème Art