È torna in Vizzavona ch’hè un bellu locu !

Vizzavona : Casa di a Natura, 21,22,23 è 24 di Marzu, scola di 3a 2,5 è 7 uzzione lingua corsa.
Stu 21 di Marzu , cù a scola di 3a uzzione lingua corsa,ci semu tramutati à a Casa di a Natura in cumpagnia di Ma. Mercuri, M. Raffali è M. Masson.
Ci semu colti nant’à Trinichellu, u core alegru, è spinsirati !
Spassighjate in furesta di Vizzavona, risate è scialate à più pudè.
À i piazzili di i Pozzi, infiuricciati di neve, dopu avè accesu un bellu focu, emu arrustitu u figatellu è betu l’acqua fresca di a funtanella ! Emu campatu si pò dì l’ore belle di a spartera è di l’amicizia , tutt’ inseme ! Ghjovanu ste mosse cù i sculari à stringne i rapporti suciali è à cunsiderà i cumpagni cù rispettu è affezzione ! Oh chì campazione !!!