Paulu Zarzelli

Era una primura maiò par tutti : a dirizzoni, u parsunali sanu di u u culleghju è tutti i sculari tantu l’anziani cà i più ghjovani, d’unurà l’omu drittu, fidu, è valurosu ch’ellu fù Paulu. Era sempri à l’ascolta di i primuri è di i pinseri di i so sculari o di i so culleghi.

a moglia cù i so quattru figlioli è i dui surelli. C’erani dinò monsieur Arrighi, aspittori di lingua è cultura corsa è Lisandru Bassani, l’amicu di sempri cummossu assai.

I sculari di a terza maritarranea cù u so prufissori d’arti plastichi, monsieur Busch, ani fattu u massimu pà participà è unurà issu mumentu sulennu. Ani rializatu una tela ispirata da l’opara di Mimmo Paladino à tempu pittori è scultori talianu pà a so idea di l’arburi di i generazioni sustinuta da l’anziani ; ma issa pittura hè stata dinò cuncipita sicondu u travagliu di Keith Haring, altru pittori, mudernu assai, chì si ghjuvava di culori vivi inturniati di neru.

« Mammapiera »

Tinnarezza di casa
Par mai ùn ni patiani
È i maestri di scola
Eddi ùn ni cunnisciani
Di ghjornu è di notti
Surrisi ùn ni faciani
Erani i ziteddi
Di tutti i suffrimenti
Pagati pocu è micca
Sgubbavani in silenziu
Fastediu passaghjeru
Di i nostri cuscenzi
A so vita i maiò
L’aviani calcicata
Fendu ni schiavi manzi
Era vituparata
Zitiddina fughjita
À l’alba marturiata
È noi ùn li vidimi
Da l’africa à i merichi
Granitula suffrenti
Porghja una manaredda
Da chera una limosina
Da stantà si un pezzu
Ognighjornu ind’à noi
Affacca a mammapiera
Lacaremi strappà
Di i levi a catena
È vedi a miseria
Accasa si in paesi ?
Ad ora è a contr’ora
Ci tocca à ramintà
Chì l’unicu valori
Chì cunveni à parà
Hè quiddu di l’umanu
Hè a so dignità

Paulu Zarzelli / M. Tomei

A maitinata si hè compia intornu à una cullazioni cumposta di piatti corsi.

À ringrazià ti o Pà, par ciò chì tù ci ai lasciatu , a to mimoria firmarà quì pà u sempri …


Mady Sammarcelli