Surtita in Filitosa

Nant’à i passi di i nostr’ antichi : FILITOSA, situ preistoricu eccezziunale !

Stu 23 di maghju di u 2016, ci ne semu tramutati in Filitosa, rughjone di a Civilisazione Megalitica. Una bella spassighjata cù i nostri prufissori : Ma Mercuri, Ma Seni, Mr serinelli è a nostra survigliante Ma Giacomini. Filitosa, locu duve e stantare (statue di petra), cù i paladini (statue di petra armate d’una spada) veghjanu ghjilosamente tale sintinelle nant’à u situ. Ma quale sò ? À chì ghjuvavanu ? Parchè e ritruvemu à pezzi in li muri fatti da i Torreani ? À tutte ste dumande l’archeuloghi ci anu riflessu, è ci riflettenu sempre oghje. Volenu pisà u vele di tutti sti misteri, ma forse ch’ell ’hè quessu l’incantu di stu locu unicu è maravigliosu ! Vulemu ringrazià a famiglia Cesari, patroni di u situ, chì ci hà accoltu cù simpatia è bravezza.