Fà scopre u to Territoriu
Raconte-moi ton Territoire

L'article suivant est apparu dans les pages "corse-matin junior" du journal local "La Corse votre hebdo" n°705 durant la semaine du 15 au 21 février 2013.

Ces pages ont été réalisées par les classes de 5^èmeA et B du collège de Cervione, sous la responsabilité de Charlotte Anziani ; Jean Luc Ciccoli et François Venturini.

A Castagniccia A Castagniccia hè una regione muntagnola chì si situeghja trà U Golu è U Tavignanu, duminata da u San Pedrone altu di 1768metri. Sta regione sistende nant'à 14782 ettere. Hè stata inu passatu a regione a più populata di l'isula. Si trova nant'à u bellu castellu d'acqua. U nostru rughjone hè impastatu di vita pasturale. Sempre avà i nostri lochi sò fasciati è strutturati da u pasturalisimu. U spaziu cumunutariu hè sempre occupatu da parechji agricultori. U paisaghju hè marcatu da e piantazione di culture arburicule chì anu cundiziunatu è puntellatu a vita di l'omi. Soprattuttu U Castagnu cugnumatu l'Alburu à Pane, hè presente da seculi è seculi. Avimu sceltu di parlavvi di dui prudutti : a castagna è a carne purcina.

La Castaganiccia, une terre à nulle autre pareille. La châtaigneraie magnifique qui lui a donné son nom s'étend à l'infini. D'églises baroques en chapelles romanes, la région possède des villages hors du commun comme ceux que l'on aperçoit ici : Piedicroce et Carcheto.

(Ritrattu Jeannot Filippi)	A castagna Ini tempi u Castagnu era l'alburu di u pane. A Castagna era un.alimente naturale essenciale ine preparazione culinarie ; oghje hè diventatu un pruduttu di lussu. Esistenu parechje varietà di castagne : e campanese, e teghjine. (in fatti più d'una cinquantina di varietà) A cugliera si face dopu à a diraschera di i lochi, da mezu ottobre sin'a à a fine di u mese di nuvembre. Si facia à a manu incù u spurtellu è a ruspaghjola, oghje si mettenu i filetti sott'à i castagni. A preparazione : dopu à a cugliera e castagne sò ingratate ine grate per seccale : sia à u focu di legne inu focone sia di manera mecanica à aria pussata (gazu). Si lascianu ine siccareccie parechje simane in riminendule duie volti a simana.	(Ritrattu D.R)
(Ritrattu Jeannot Filippi)

A seconda parte cunsiste à pistà i frutti belli secchi in una balla ch’ellu si picchja nant'à un troppu per caccialli e duie pelle : a grossa è a lesina. Dopu si passanu sti frutti in u fornu. A scelta hè un mumentu assai impurtante, si face à a manu in un cernigliu, una per una di manera à tene i frutti sani. Sti frutti secchi passanu in u fornu à legne tebbiu prima à u passeghju à u mulinu chì ghjè a tappa finale. E castegne sò macinate, passanu à mezu à duie macine in petra, chi inciaccanu a castagne è a farina fala in un casgione, una grande meria di legnu.
Ci vole à pocu pressu trè chilò di castagne per fà un chilò di farina. Sta farina hè adoprata assai in cucina per fà sosule : pulenda, frittelle castagnine, torte, pilluli. è tant'altre. Oghje esistenu in Corsica qualchì fiere cunsacrate à a castagna. Un si po parlà di castagna senza amentà a carne purcina.

A carne purcina A castagna hè ciò chì permette d’avè una carne purcina di qualità. I porci chì vivenu in libertà à mezu à u castagnetu anu una carne più savurita è più ferma. I porci durente u furestu, quandu a ghjente coglie sò chjosi i ni compuli sottu à i castagni è manghjanu e castagne. Una volta ingrassati cumencia a tumbera. L’animale hè tombu, po polzu incù un cultellu per arricoglie u sangue chì po serve per fà i sanguatelli o u ventre.

(Ritrattu Mario Grazi)

U pucchjinu hè buschjatu per brusgiali u pelu, una volta pullitu s'appende per l.anche di daretu per aprelu incù u cultellu pinzuttu. Si parte da in cima à mezu à l'anche sin'à u capu in fondu. Si caccia a trippa, u core, i pulmoni, u fegati : si lava parechji di sti pezzi per adoprali. Una volta dimezatu è lavatu si taglia u capu è s'entrenu e paffe in un locu frescu. Si cacciani l'asciugna, i lombelli, e costi è si lascia riposà sin'à u lindumane per chì a carne intosti è si travaglia megliu riposata. Durente stu tempu si preparanu e stintine per u lindumane, oghje e stintine si compranu, ùn s'adopranu più quelle di i porci : si lavanu, si taglianu à a misura chì cunvene è si leganu. U lindumane ci vole à arrizzassi di bon'ora, chì c'hè u travagliu : prima s'appezza, si taglianu i pezzi, si sceglie a carne chì và i ne salciccie (a più magra) è quella ini figatelli (a più grassa : panzetta, bolagna, fegatu.). Si tene u prisuttu, coppe, lonzi. Si macina, si mette u sale, u peveru è si lascia riposà. U dopu mez'iornu s'insacca : empie e stintine, ligà ; ci vole à fà attenzione ch'ell'ùn entre aria è piccà incù un'acu. E salciccie è i figatelli sò appesi ina siccareccia per esse affumaticati durente qualchì ghjorni à u focu di legne. E coppe è i lonzi so messi in sale durente una simana po lavati, impeveriti, vestitu incù e stintine è appesi in siccareccia. I prisutti stanu in sale un mese, dopu sò impeveriti è affumaticati anc'elli. I primi chì si manghjanu sò i figatelli, arrustiti à u focu o cridu ; e salciccie, coppe o lonzi si ponu tene dipiù ; u prisuttu si manghja ancu l'annu dopu. Oghje si stime à 1200 tonne di castagne colte incù 80% trasfurmate in farina L'avvene ùun pare micca in periculu. S'omu guarda u nostru spaziu da u celu si vede a presenza di stazzi, mandrie, chjostre è compuli ; chì currispondenu à una zampata di u passatu mà dinù à una realità economica oghjinca. Oghje a muntagna ùn hè più un'imperativu pasturale, mà l'usu ferma presente. U Castagnu hà ritruvatu un veru valore economicu è suciale. A Castagniccia hà una pusizione centrale in l.isula, incù i so paisoli tutti innalpellati in ste muntagne, incù tutte sta ghjente, artisgiani è produttori chì rapresentanu u sapè fà lucale è chì si battenu tuttu l.annu per mantene ste tradizione.

U lonzu.             U figatellu.             A panzetta.             A coppa.             U salamu.